O Celta B gárdase os tres puntos na súa casa por cuarta vez consecutiva e continúa sen coñecer a derrota durante as oito últimas xornadas de Primeira Federación.
O conxunto vigués entraba nun partido disputado que na primeira parte carecería de goles pero non de ocasións, na que ambos os conxuntos loitaban por conseguir o primeiro gol. Sería Javi Rodríguez quen levaría o gato á auga no principio do segundo tempo, gol co que chegariamos ao final do encontro e que continúa o refacho celeste, que é o mellor equipo da categoría nestes últimos partidos.
O RC Celta B se aúpa á quinta posición, en zona de playoffs por primeira vez no ano. A seguinte xornada será en Majadahonda para enfrontarse ao Raio, o vindeiro domingo ás 12 da mañá.
Ficha técnica
1-. Celta B: Coke Carrillo; Javi Domínguez, Carlos Domínguez (Barcia, m.46), Medrano; San Bartolomé (Calderón, m.71), Damián Rodríguez; Javi Rodríguez (Carrique, m.73), Miguel Rodríguez (Raúl Blanco, m.65), Losada, Hugo Álvarez; Lautaro (Pablo Durán, m.46).
0-. Pontevedra: Cacharrón; Churre (Javi Robles, m.72), Soto, Derik; Samu Araújo (Martín Diz, m.55), Miguel Román, Jon Bakero (Víctor Casades, m.72), Álex Masogo (Charles, m.55), Diego Seoane; Álex González, Alberto Rubio (Valen, m.62).
Goles: 1-0, Javi Rodríguez (m.52).
Árbitro: Eder Mallo (Castela e León). Amoestou con tarxeta amarela a Javi Rodríguez e Barcia, polo Celta B, e a Toni Otero (técnico), Charles e Churre, polo Pontevedra.
Goles: 1-0 (Javi Rguez, min. 55′)
